Erritmoarekin lanean

Gaur aukeratutako jarduera erritmoari buruzko jarduera bat da eta haurrek erritmoaren gaitasuna landuko dute. Ariketa zaldi lasterketa bat izango da, non haurrek zaldien habiadura kontrolatzen ikasiko duten.

Lehenik eta behin haurrek lurrean eseriko dira haien aurrean irakaslea egonda, denek ondo ikusi ahal izateko. Hasteko, umeek zaldien trosta imitatuko dute. Horretarako, belaunetan golpeak emango dira modu erritmiko batean. Irakasleak markatuko du erritmoa, kolpeak astiroago edo azkarrago noiz eman behar diren esanez eta haurrek kasu egingo diote erritmoa handitzen edo txikitzen. Zaldiak, zenbait oztopoekin topatuko dira eta momentu horietan haurrek, atzerantz etzan egingo dira hankak eta besoak altxatuz. Oso garrantzitsua da lasterketaren bukaera, haurrek oso-oso azkar mugitu beharko direlako mugara lehenengoak ailegatzek, hau da, lasterketa irabazteko. Ariketa dibertigarriagoa egiteko, harmailatan dagoen jendea agurtu dezakete umeek. Bukatzeko, mugan egiten den argazkia aterako dute, non umeek beraien barre politena jarri beharko duten.

Jarduera hau haurren arlo psikomotorra lantzen du gehien bat, nahiz eta arlo soziala ere landu. Arlo soziala beste umeekin jarduten dutelako lantzen dela esan ahal da, hau da, lasterketa bakar batek irabazi behar duenez, besteek baino azkarrago mugitzen saiatzen dira haurrek, haien erritmoa besteen erritmoekin konparatuz. Arlo psikomotorra, momentu guztietan lantzen ari dira, ariketa hau egiterako, ezinbestekoa delako gorputzaren mugimendua eta horren ondorioz, haurren koordinazioa hobetzen da. Curriculumaren arabera, lehenengo eremua, hau da, norberaren ezaguera eta autonomia pertsonala, lantzen dute, alderdi horren zenbait helburu betetzen baitituzte, hala nola, norberaren autoestimuko eta autonomia pertsonaleko sentimenduak garatzea; mugara lehenengoak ailegatzen saiatzen direnean. Gorputza kontrolatzearen helburua ere lantzen dute, zaldiaren trosta imitatzerakoan habiadura kontrolatu behar dutelako eta azkenik, errespetuzko jarrera ere garatzen dute, lasterketa irabazten duen haurra errespetatuz. Curriculumaren bigarren eremua ere lantzen dute jarduera honetan parte hartzen duten umeek, ingurunearen ezaguera lantzen dutelako. Ingurune fisikoa, naturala eta soziala lantzen dute modu aktibo batean, gidatzen dituzten zaldien ibilera ezagutuz eta naturak jartzen dizkien eragozpenak saihestuz.

Nire aburuz, jarduera honek ez ditu alde txarrik. Oso dinamikoa dela uste dut, haurrek ondo pasatzen dutelako eta aldi berean ikasten dutelako. Nire ustez oso garrantzitsua da erritmoa lantzea, horrexegatik umeak txikiak direnetik landu behar dela pentsatzen dut. Erritmoa, bizitzan egunero edo ia egunero egiten diren gauzetarako oso baliagarria da, korrika egiteko adibidez. Erritmoa zer den, eta beraien gorputza kontrolatuz erritmoa jarraitzen ikasten badute, hau da, mugimendu guztiak ondo egiteko oinarria dena, hainbat gauza oso errazak irudituko zaizkie  haurrei, hala nola, dantza egitea, musika jotzea, etab. Laburbilduz, erritmoa eta koordinazioa edozein pertsona argi eduki behar dituen oinarrizko bi kontzeptu dira, eguneroko bizitzan gorputza kontrolatzen jakiteko eta hainbat jarduera ondo jarduteko.

Ligatzeko gaitasuna.

-Aurrean daukazun pertsonarekin harremanetan zaudenean, ondo tratatzea, berarengan interesa duzula adierazteko.

-Gaitasun hori jorrazteko erakusleak:

  -Leunki hitz egiten dio; berarengan errespetua adieraziz.

  -Laudorioak esaten dizkio; astunegia izan gabe.

  -Denbora asko begiratzen dio; egiten duenari arreta jarriz, baina gehiegi kontrolatu gabe.

  -Atsegin dituen gauzak zeintzuk diren galdetzen dio; haren gustuko gauzak hobeto ezagutzeko.

  - Berarentzako begiak bakarrik ditu; pertsona hori soilik interesatzen zaiola adieraziz.

  -Atsegina eta barregarria da, pailazoa izatera ailegatu gabe. Hau da, zenbait broma egiten ditu baina noiz gelditu behar duen kontrolatzen du.


-Berarekin eroso sentitzea eragiten du, konfiantza erakusten diolako naturaltasunez jarduten.

Higienea Haur Hezkuntzan

Gaurko ekarpena burutzeko interneten aurkitu dudan artxiboan oinarrituko nahiz, honetan, higienearen garrantzia zenbateko den azaltzen digu, eta etorkizunean irakasleak izango garenoi pentsatzea egiten digu zer  nolako jarduerak bete beharko ditugun haurrei honen garrantziaren berri emateko.  

Higienea pertsona guztientzako ezinbestekoa da, baina, honi buruzko ezagutzak haur-hezkuntzatik ikasi behar ditugu, horregatik irakaslearen papera ezinbestekoa da. Horretarako, irakaslea prestatua egon behar da, higiene gabe oikoena gaixotasunak hartzea izaten baita. Artxibo honetan aipatzen den bezala, irakaslea jarraitzeko eredua izan behar da, beraz, berak egin behar ditu haurrei erakusten dion gauzak.

Eskolan higienea egoteko, prestakuntzak egon behar dira, azazkaletako eskuila, xaboia, eskuoihala, hortz eskuila eta ahoa garbitzeko basoak. Hauek guztiak, umeen eskuetatik hurbil egon behar dira, gainera, erabiltzeko interesa sustatu egin behar diegu.

Umeei higienea izateko interesa pizteko hainbat jarduera burutu dezakegu, adibidez, abesti bat entzuten duten bitartean hortzak garbitu, edo kaletik etortzen diren bakoitzean eskuak eta ahoa garbitzeko ohitura ezarri behar diegu. Nire ikuspuntutik, jarduera hauek eskolan burutzea etxean baino errazagoa izan daiteke, eskolan ezarriak dauden ohiturak betetzea errazago izaten delako. Gero, familiako kideak hauek lantzen jarraitu behar dute, baina, haurrak behartu gabe, bestela ohitura hauek baztertuko dituzte.

Artxiboan aipatzen den bezala, higienea mota desberdinetan ematen da, ez bakarrik garbiketan itxura garrantzitsua ere izaten da, haurrei txamarra janzten irakatsi behar diegu eta hau irakasteko jarduera dibertigarriak daude. Guztiok gogoratzen dugu txikiak ginenean txamarra lurrera botatzea eta salto batekin sorbaldan jartzea. Askenik, higieneari buruzko azterketa honetan umeak helburu hau burutzeko jarduera batzuk agertzen dira.

Ondorio moduan esan dezaket, ekarpen honek burutzeko artikulua laguntza handia eskaini didala, irakurri eta gero haurrei higiene egokia erakusteko garrantzia ulertu dudala. 

Ligatzeko gaitasuna

Gaitasuna:

Aurrean daukazun pertsona ondo tratatu, laudorioak esan, bere bizitzako gertakizunei buruz galdetu, etab. pertsona horrengan interesa duzula erakusteko.

-Leunki hitz egiten dio. 

-Laudorioak esaten dizkio, gezurtia edo astuna izan gabe.

-Denbora asko begiratzen dio.

-Atsegin dituen gauzak zeintzuk diren galdetzen dio.

-Berarentzako begiak besterik ez ditu.

-Atsegina eta barregarria da, pailazoa izatera ailegatu gabe. Hau da, zenbait broma egiten ditu baina noiz gelditu behar duen kontrolatzen du.

-Denbora berarekin azkar pasatzen zaio, komentatzen dituzten gaiak berarentzako interesgarriak direlako. 

 

-Gauza pertsonalei buruz interesatzen da., hala nola, zelan joan zaion eguna, zer ikasten duen, zer egiten duen denbora librean, etab.

-Berarekin eroso sentitzea eragiten du, konfiantza erakusten diolako naturaltasunez jarduten.

-Edozein arazoren aurrean laguntza eskaintzen dio.

-Beste pertsonak esandakoaren aurrean interesa eta gehiago jakiteko joera erakusten du.

-Berarekin dagoen bitartean, ez du mugikorraren bitartez beste norbaitekin hitz egiten eta berari eskaintzen dio arreta guztia.

Animaliekin lanean

Gaurko jarduera osatzeko, nik aukeratutako ariketa animalien ingurukoa da. Ariketa hau ez da batere konplexua, Haur Hezkuntzako haurrentzako aukeratuta baitago. Ariketa mota hau edozein animaliekin egin daiteke, baina komenigarria da animali arrunt bat erabiltzea, hau da, haurrek ezagutzen duten animali bat, adin hauetan oso garrantzitsua delako haurren motibazioa eta ikasteko gogoak piztea, katua edo txakurra adibidez. Jarduera hau zenbait ataletan banatuta dago, lehenik eta behin, margoketa, bigarrenik, animali horri buruzko ipuinak eta istorioak lantzea, hirugarrenik, animaliaren izenaren lehenengo letra lantzea eta azkenik txotxongiloak eta panpinak egitea eta haiekin jolastea. Atal horiek, haurraren adinaren arabera egingo dira. Lehenengo eta bigarren atalak, Haur Hezkuntzaren lehenengo zikloan lantzeko dira eta hirugarren eta laugarren atalak, Haur Hezkuntzaren bigarren zikloan. 

Jarduera hau ezin da egun bakar batean egin, haurrek atal bakoitza zenbaitetan errepikatu behar dute, errepikapenaren bitartez ikasten baitute. Aukeratutako jarduera oso sinplea izan arren, faktore asko lantzen ditu eta haurren gaitasun asko lantzen ditu. Alde batetik, arlo psikomotorra lantzen da, hala nola, margotzerakoan, txotxongiloak egiterakoan eta haiekin jolasterakoan. Margotzerakoan kontu handiz ibili behar dira marratik ez irteteko, eta txotxongiloak egiterakoan, lekeda eta oihalak erabiltzeko orduan kontu handiz egin beharko dute. Beste alde batetik, arlo soziala lantzen dute. Nahiz eta margotzea bakarkako lana izan, irakasleak istorioak kontatzen dituenean eta txotxongiloekin jolasten dutenean denek batera egiten dute, harreman soziala sendotuz. Bukatzeko, arlo kognitiboa ere lantzen dela aipatu nahi dut, zenbait kontzeptu bereganatzen baitituzte haurrek, hala nola, letrak, animaliaren izenaren lehenengo letra margotuz; animaliaren itsura nolakoa den, animaliaren marrazkia margotuz; material desberdinen izena eta erabilera, txotxongiloak egiterakoan; etab.

Jarduera hau Curriculumaren zenbait atal lantzen ditu. Lehenengoa norberaren ezaguera eta autonomia pertsonala da. Haurrek margoketa landu behar dutenean haiek bakarrik egingo dute, zenbait gauza kontuan hartuz, hala nola, nondik margotu behar duten eta nondik ez, bakoitzak bere txotxongiloa nola egingo duen, arazoren bat badaukate bi ariketa horiek egitean beraien kabuz saiatu beharko dira konpontzen…. Gauza horiek guztiak egiteko bere gorputza kontrolatzen ikasi behar dute eta egin beharrekoaren plangintza bat osatu beharko dute. Bigarren atala Ingurunearen ezaguera deitzen da. Atal hau etengabe lantzen dute haurrek ariketa hau egiterakoan. Naturako animaliak lantzen dituzte, istorioen bitartez adibidez. Istorio horietan, animali zehatz hori nolakoa den, nola deitzen den, etab. ikasiko dute. Aldi berean, portaera sozialeko oinarrizko arauak ikasten dituzte, txotxongiloekin jolasterakoan besteen txotxongiloak nolakoak diren errespetatuz eta beraien lana aurkezteko txanda errespetatuz. Hirugarren atalari Hizkuntzak deritzo, komunikazioa eta adierazpena lantzen dituena. Alderdi hau lantzen dute haurrek plastikarekin saiakuntzak egiten dituztenean, hau da, txotxongiloak eta margoketa egiterakoan; hizkuntza lantzen dute animaliaren izena ezagutzean eta horren lehenengo letra margotzerakoan. Gainera, txotxongiloak bukatuak daudenean modu sortzaile batean erakusten dizkiete beste klase-kideei.

Bukatzeko, aipatu nahi nuke, ariketa honen aspektu positiboak eta negatiboak. Aspektu negatiboekin hasiko naiz, positiboak baino gutxiago direlako. Gauzatze honetan, garrantzitsuena ordena da. Hau da, jarduera hau zenbait ariketatan oinarrituta dago eta ariketa horiek orden zehatz batean egin behar dira. Lehenik eta behin, margoketa, gero, istorioak, geroago, letren ezaguera eta azkenik eskulanak. Antolaketa hori jarraitzen ez bada, haurrek ez dute modu egoki batean ikasiko, hasi behar delako erresenetik, geroago zailtasun maila igotzen joateko. Zenbait eskoletan, ez dago denbora nahikorik pauso guztiak jarraitzeko eta nire ustez ariketa hau osoa eta modu zuzen batean lantzen bada, haurrek kontzeptu asko ikasiko dituzte, baina horrela ez bada egiten, jarduera hau ez du ezertarako balio izango.

Alderdi positiboak aldiz, ugariak dira. Haurrek kontzeptu asko eta gaitasun asko lantzen dituzte eta aldi berean, haur gehienek gustuko duten gai bat denez, ondo pasatzen dute ariketak entretenigarriak eta erakargarriak iruditzen baitzaizkie, etab. Gainera, hau guztia lortzen da harremanak sendotuz. Hau da, adin horietan oso garrantzitsua da haurrek gurasoekin, irakasleekin eta haien artean duten harremanak sendotzea. Irakasleek momentu guztietan prest egongo dira haurrei laguntza eskaintzeko, batez ere zailtasun handiagoa duten ariketetan, txotxongiloak egitearena adibidez. Gurasoek ere parte hartzen dute gauzatze honetan, haurrek txotxongiloak egiteko material batzuk etxetik eraman behar dituztelako, eta momentu horretan gurasoek lagundu behar dietelako material egokiak aukeratzen. Ikasleek etengabe daude sozializazioa lantzen eta haien arteko harremanak hobetzen, batez ere azkeneko jardueran, hau da, txotxongiloak aurkezterakoan. Bakoitzak besteen lana ikusiko du eta hortik gauza gehiago ikasi ahalko ditu.

Laburbilduz, jarduera hau oso jarduera onuragarria da haurrentzat hainbat gaitasun lantzeaz aparte, modu dinamiko batean egiten baitu, ikaslea pertsonai aktiboa izanez. Nire aburuz eskoletan landu beharreko ariketa izateaz gain, etxean landu ahal den ariketa da, erraza delako eta familiaren, irakasleen eta ikasleen arteko harremanak hobetu ahal dituelako.

Musikaren eragina haurrengan.

Gaurko ariketa egin beharreko jarduera berriz egitea izango da, horretarako, youtuben bideoak ikusten aritu naiz eta bideo hau aurkitu dut.

Bideoa ikusi eta gero konturatu nahiz musika ze garrantzia duen umeengan, beraz, nire ariketarako musika erabiliko dut.

Nire ariketa haurrei musika jartzea izango da. Lehenengoz haurrei gustatzen zaien musika jakin beharko dugu, gero haurrei musika jartzeko, beraz, galdetu beharko zaie. Gero,  musika mota desberdinak jarriko dizkiet  eta haurrak musika entzuten duten bitartean nahi duten mugimenduak egingo dituzte, eta musika entzuten ez dutenean geldirik geratu beharko dira, horretarako, eremu zabala beharko dut. Gero, ariketa amaitu ondoren haurrei zer iruditu zaien galdetuko zaie eta berriz errepikatuko dugu, baina, honetan haurrak gauzak hartu ahal izango dute mugimenduak egiteko musika entzuten duten bitartean.

Lehen esan dudan moduan, bideoa ikustearekin batera eta klasean  entzundakoarekin konturatu nahiz musika haurrentzat oso garrantzitsua dela. Haurrak musika entzutean espresioa lantzen dute, gainera, txikiak direnean musika interpretatzeko abilitate askok dituzte, batzuk besteak baino gehiago.

Pentsatu dudan ariketa 4-5 urteko umeentzat izango da, nahiz eta bideoan agertzen den haurra txikiagoa izan, umeak txikiak direnean gorputza mugitzeko gaitasun gehiago daukate eta horrez gain, irudimena garatuagoa. Honekin esan nahi dut, ariketa hau aproposa izango dela guzti hori lantzeko, lotsa ez daukatenez eta gauza berriak egiteko prest daudenez primeran pasatuko dute eta mota guztietako mugimenduak egingo dituzte, batzuk musikarekin batera, beste batzuk aldiz, musikarekin deskoordinatuagoak egongo dira. Baina, benetan interesgarria izango dena musika gelditzerakoan geldirik geratu behar direla izango da eta haiek erreakzioak nolakoak izango diren ikustea, gero, gauzak hartuko dituzte eta haiekin zein mugimendu motak egiten dituzten ikustea. 

Makarroiez egindako lepokoa

Gaurko honetan aukeratutako ekarpena, makarroiez egindako lepoko bat egiteko jarraitu behar diren pausoak azaleratzen dizkigun bideo bat da. Bideo honen aukeraketa egitea aproposa iruditu zait, seguraski, guztiok txikitan egin izan dugun eskulana delako,  eta tradizioa galdu ez dadin, ondo legokeelako gaur egungo Haur Hezkuntzako umeek eskulan hau egiten ikasiko balute. Gainera, aipatu dudan moduan, HH-ko bigarren zikloan, hau da, 3-6 urte bitarteko haurrentzako ariketa dibertigarria dela uste dut.

Hasteko, aipatu nahiko nukeen lehenengo gauza, adin honetako umeentzat ariketa oso sinplea dela da. Bideoan oso ondo aipatzen den moduan, materialen aukeraketa egitea izango da ariketaren xede nagusia (koloreetako makarroiak, korda mehe bat, eta interesa eta motibazioa nabarmentzea). Material horiek edukitzean, umeak korda luzatuko du eta makarroiak sokatik sartzen hasiko da (berak nahi duen ordenean, noski). Azkenik, korda makarroiez betetzean, kontu handia edukiz, sokari korapilo bat egiten saiatuko da. Ariketa hau, edozein lekutan egin daiteke, eskolan nahiz etxean. Baina ez legoke txarto egongo, heldu bat gertu egotea. Izan ere, 3-6 urte bitarteko umeentzako ariketa den arren, hainbat kontzeptu zail ditu hain adin txikiko umeak bakarrik egiteko. Adibidez, materialen aukeraketa egitean, edota kordari korapiloa egitean. Kasu honetan, umeak, laguntza hori jasotzean, Haur Hezkuntzako Curriculumean oso ondo azaltzen den moduan, helduekin eta inguruan duen gainontzekoekin, jarrera positiboa erakutsi behar du, afektuzko eta enpatiazko harremanak ezartzeko haien artean. Horrela, laguntza behar duten bakoitzean, jarrera horri garrantzia eman diotelakoan, laguntza eskatu egingo dute. Honetaz aparte, eskulan hau oso interesgarria iruditu zait, honekin, umea dibertitzen den aldetik, hainbat kontzeptu ere ikasiko dituelako. Hala nola, gure ingurunean dauden hainbat elementu identifikatzea. Horren adibide jarri dezaket, umea sukaldera joatean makarroien bila, jaki motak desberdintzean. Edota zenbakiak ikasi. Adibidez, makarroiak kordatik pasatzerakoan, banan-banan zenbatzean, zenbakiak lantzeko teknika egokia izan daiteke. Beste aldetik, lehen esan dugun moduan, umea, dibertitu ez ezik, gauza berriak ere ikasten ditu, psikomotrizitatea lantzen duen bitartean. Izan ere, eskuekin egiten dituen higidura desberdin eta anitzen bitartez, mugimendua landuko du. Gainera, sozializatzeko modu bat izan daiteke, taldeka egiteko ariketa bat izan daitekeelako ere, elkarlaguntza ondokoarekin sustatuz.

 

Azkenik, laburbiltzeko, esan beharra daukat, behin eta berriz aipatu dudan moduan, umearen haurtzaroan lantzeko jarduera aproposa izango dela makarroiezko lepoko bat egitea. Testuan esan bezala, bere garapen prozesuan zehar eragina izango du, oso ariketa betea baita, eta honen bidez umeak, egindako lepokoari, hau da, ondo egindako lanari garrantzia ematea, eta beraz bere gaitasunetan konfiantza izatea lortuko du, horrela garapenak aurrera egin dezan.

Haurrentzako poemak

Poesia irakasle askok haur hezkuntzan erabil dezaketen errekurtso bat da, baina oso gutxik erabiltzen dutena. Gure ustez, hitzezko edota idatzizko literatura genero hau Haur Hezkuntzako umeekin erabiltzeko aproposa dela uste dugu erabiltzen dituen errimengatik, eta hauen bitartez erakusten duenagatik.

Hasteko, klasean poemak landuz, Haur Hezkuntzan bada, irakasleak irakurriz, umeek interesa jarri beharko dute poemari adi egoteko, baina hau ez zaie zaila egingo poemak duten erritmoari esker. Poemez aparte, hainbat abesti daude aurkitu izan dugun web orri horretan. Honek ere umeen interesa erakartzen du, erritmoa duen guztiak erakargarriak izaten direlako umeentzat. 

Orrialde honen bitartez, lantzen den arlo nagusia kognitiboa da, hau da, haurrek ezagutza berriak bereganatzen dituzte. Ezagutza hauek agertzen diren baloreak dira, hauek era zehar batean ikasten dituztenak. Esan beharra dago, abesti batzuekin batera mugimendua egiten dela, beraz, mugimendu kantak ageri dira psikomotrizitatea landu ahal izateko. Kasu honetan, haurrek gehien lantzen duten aspektua koordinazioa da, abestearekin batera mugimendu desberdinak egin behar dituztelako.

Azkenik, aproposa iruditu zaigun web orri hau jartzen dugu, bertan, hainbat poema desberdin agertzen direlako eta gai desberdinei buruzko poema politak daudelako. Gai hauek umeen garapenean eragina baitute, umeek ikasteko gaiak  baitira. Baita ere, web orri honetan ume itsuentzako lagungarria diren poemen entzutezkoak daude. Horrela, itsuei laguntzeaz aparte, irakurtzen ez dakiten umeek ere aprobetzatu ahal izango dute.

2012-03-20

Bideo hau aukeratu dugu, Youtubetik hartuta. Oso interesgarria iruditu zaigu, zenbait gaitasun lantzen dituztelako haurrek. Gure ustez, bideo honek, hobeto esanda, bideo honetan agertzen den jarduera hau  haurrentzako aproposa dela uste dugu curriculumean agertzen diren hainbat helburu betetzen dituelako eta umeei hainbat ezagutza berri eskeintzen dizkiolako.

Lehenik eta behin, arlo psikomotorra lantzen dutela esan dezakegu. Haurrek borobil bat egin beharko dute eta bueltak emango dituzte, honek haurraren garapenean laguntzen du, hala nola, bere koordinazioan eta orekan. Jarraitzeko, umeek psikologiako hainbat arlo desberdin lantzen dituzte harremanak egiten dituzten bitartean. Arlo kognitiboa lantzen dute hainbat ezagutza berri barneratzen dituztelako, adibidez, kanta honen letra ikastea eta pasai edo ingurune horretan dauden hainbat objetu berri ikusi eta ikasten dituzte. Ingurunea ikusterakoan gauza berriak ikasteko interesa pizten zaie haurrei, sentipen berriak piztuz eta autonomia lantzen hasiz. Gauza berri bat ikasterako orduan, umeek izandako esperientzien bidez barneratu egiten dituzte ezagutza berriak esperientzia horiekin lotuz. 

Arlo soziala ere landu egiten dute jarduera hau taldeka egiteko baita. Jarduera edo ariketa bat taldeka egiterakoan, banaka egin beharrean, umeek haien arteko elkarlana bultzatzen dute bata besteari lagunduz eta harreman berriak sortuz. Azken honek, portaera sozialak lantzea dakar, besteenganako jokabidea nolakoa izan behar den erakutsiz eta moralitatea zeharkako era batean azalduz. Honek ez dira normalean era zuzen batean irakasten imitazioz ikasten baitituzte haurrek.

Amaitzen joateko, bideo honetan ikus dezakegunez ume bakoitzak nahi duen moduan mugitu ahal da, honek haurrari askatasuna emanez. Askatasun horrek, mugimendu berriak sortzeko eta praktikatzeko aukera ematen die, sormena landuz eta honekin batera, bere garapen psikomotorra hobetuz. Izan ere, ume bakoitzak norberaren ezagutza eta autonomia pertsonala lantzen hasten da. Honekin esan nahi dena da, ume bakoitza bere nortasun propioa ezagutu eta garatu egiten duela, besteetatik bereiztuz. Nortasuna sendotzearekin batera, autoestimua zer den garatuz joaten da bere burua era positibo batean ikusten hasiz sentimendu berriak garatzeko.

Haurrentzako jarduera

Paristik natorren
Artista bat naiz ni.
Paristik atoren
Artista bat haiz hi.
Ondo jotzen det!
Baita guk ere!
Danborra nik jotzen det!
Pron, pron, pron,
Paristik natorren...
Biolina nik jotzen det!
Tiriri, tiriri,...
Pron, pron, pron,
Paristik natorren...
Turuta nik jotzen det!
Tururu, tururu,...
Tiriri, tiriri,...
Pron, pron, pron,
Paristik natorren...
Txindata nik jotzen det!
Txindata, txindata,...
Tururu, tururu,...
Tiriri, tiriri,...
Pron, pron, pron,
Paristik natorren...
Tronboia nik jotzen det!
Pra, pra, pra,...
Txindata, txindata,...
Tururu, tururu,...
Tiriri, tiriri,...
Pron, pron, pron

Nik aukeratu izan dudan jarduera “Parisetik natorren” abestia izan da, kanta hau Haur Hezkuntzan lantzen baita umeen ezagutzak garatzeko eta umeak mugimenduaren bitartez gauza berriak ikasteko. Abesti hau oso ezaguna egin da Txirri, Mirri eta Txiribitonek abesten duten abesti bat delako.

Abesti honek hainbat instrumentu mota desberdin esaten ditu eta honekin batera egiten duten soinua. Umeek soinua egiten duten bitartean, instrumentu hura eskuetan izango bazuten bezala ari dira jotzen haien garapen psikomotorra landuz. Abesti honen erritmoa ez da guztiz lasai ezta azkarregia Haur Hezkuntzako haurrentzako, beraz, aproposa da abesti hau umeekin lantzea haien motibazioa pizteko eta haien irudimena ere. 

Abesti honek ere, bakoitzak nahi duen instrumentua aukeratzeko askatasuna ematen du, ume bakoitzak bere aukera librea egin dezan eta instrumentu hura nahi duen eran interpretatu dezan. Honek, umearen askatasuna bermatzen du, bakoitzaren burua pentsarasiz, hau da, bakoitzak bere iritzi propioa sortzeko aukera ematen du.

Azkenik, esan beharra dago,musikaren arloarekin batera, umeek instrumentu berriak ikasten dituztela, hala nola, danborra, turuta, etab. Baita ere, ume bakoitzak bere gorputz adierazpena lantzen du musikaren erritmoarekin batera.

Curriculumaren definizioa

         Curriculuma programa bat da, ezagutza egiazko, baliozko eta esentzial batzuk bertan biltzen dituena; programa hori sistematikoki transmititzen da eskolan, gogamena garatzeko eta adimena entrenatzeko.  Ez ditu soilik hezkuntzaren edukiak lantzen, honen egituraketa baizik; azken honetan, oinarri zientifikoak gehituz, eta eskolak garrantzitsutzat hartzen dituen gaitasunak, ezagutzak, jarrerak etab. batzen ditu.